phisalti reth..

kyun kaste hain hum mutthi ko, 

jab do hatheli se zyaada samet sakte hain?

sargam pe taal bajti nahi,

ya to taal hoti hi nahi..

maano jaise bhanvre ras peena band karde,

maano jaise dil dhadakna band karde..

upar wala jaise haath chhod de,

jo chehre dikhte the,

woh bhi dhundle se ban gaye.. 

jab door door tak banjar ho,

to kaise zameen gol dikhne lagi?

toofan mein dhool jaise badhti gayi,

baarish mein boonde jaisi sookhti gayi..

kareebi pyaar pe rongte khade nahi hote,

khushi ke aansoo aankhon mein reh gaye..

kaale baadal aankhon pe chaye,

dukh ki odhni ne thandak se bachayi,

par kis khushi mein?

phisalti reth..

kyun kaste hain hum mutthi ko?

do hatheli hamesha zyaada samet sakte hain..